Demonstrerte mot masseovervaking

28. mai blei det haldt demonstrasjon mot masseovervåking i Trondheim, etter initiativ frå organisasjonen “1984 Affinity Group”. Bakgrunnen er eit forslag om ny Lov om Etterretningstenesta, som er til komitébehandling i Stortinget.

Vi har snakka ein av initiativtakarane, som har dette å seie om bakgrunnen for demonstrasjonen:

Regjeringa holder på å kjøre gjennom et lovforslag som vil gjøre Norge til et overvåkningssamfunn ved å innhente og lagre all metadata fra norske borgere som (gjennom servere) krysser landegrensene, og har prestert å holde dette skjult fra media i lyset av coronakrisa.

Vi kan ikke tillate at en så inngripende lov går gjennom uten en god, offentlig debatt. Vi demonstrerer i gatene for å skape nettopp dette, mediestorm og debatt. Vår affinity group “1984” har også deltatt på høring på Stortinget for å markere vår sterke motstand til lovforslaget.

Det var ei samanlikningsvis ung og politisk samansett folkemengde som demonstrerte sist torsdag. Både medlemmar frå Kampkomiteen, 1984, Raudt, Sosialistisk Ungdom, Unge Venstre og FpU var tilslutta.

Demonstrantane møttest 14:00 på verkstadshallen ved Svartlamon, og gjekk i tog derfrå til torget. Deretter blei det haldt appellar av medlemmar i SU, UV og 1984. Initiativtakarane anslår at rundt 30-40 møtte opp totalt.

Foto: privat. 

Dette er andre gong denne månaden at folk i Trondheim demonstrerer under parolen “Nei til digital masseovervåking.” Også på 1. mai tok 1984 initiativ til ein liknande demonstrasjon. Dette har Raud Tid skrive om tidlegare.

Foto: privat.

One Comment on “Demonstrerte mot masseovervaking”

Legg igjen en kommentar

Din e-postadresse vil ikke bli publisert. Obligatoriske felt er merket med *